Laster iritsiko da uda, eta zabaldu da jada aurtengo udalekuen eskaintza.  Informazio eguneratua aurkituko duzue ERA.EUS atarian.

Haur eta gazteek udan 9 aste igarotzen dituzte eskolatik kanpo, eta maiz, euskararen presentzia txikiagoa izan ohi dute haur eta gaztetxo ugarik. Opor garaiko euskarazko kanpaldiak eta udalekuak aukera bikaina dira lagunartean ongi pasatu, eta euskaraz bizipen eta oroitzapen atseginak sortzen jarraitzeko.

Esteribarko udal ludotekak goizeko kanpaldiak antolatuko ditu aurten ere, eta honetaz gain, euskarazko udalekuak ere aukera paregabea dira lagun berriak egin eta abentura berrietan murgiltzeko. Eskaintza zabala da gaur egun: baserri-eskola, multiabentura, ur-ekintzak, bertso udalekuak… Informazio guztia honako helbidean aurkituko duzue: https://eranafarroa.eus/baliabideak/eskolaz-kanpoko-eskaintza/udalekuak/

Gogoan izan Esteribarko Udalak diruz laguntzen duela udako oporraldian euskara hutsezko udalekuetan parte hartzea.

Xehetasun gehiago nahi izanez gero, galdetu udaleko euskara zerbitzuan.