2024ko martxoaren 14an hasita, 11 egunez eta 10 gauez, eta gelditu gabe, KORRIKAk Euskal Herria zeharkatuko du 23. aldiz ‘Harro Herri’ lelopean. Bi mila kilometro baino gehiago euskararen alde, adin eta mota guztietako milaka partaiderekin, gau eta egun gelditu gabe. Martxoaren 15ean iritsiko zaigu ibarrera.
KORRIKA orain 43 urte hasi zen, eta bi urterik behin egiten da AEK-k antolatuta, euskararen aldeko kontzientzia suspertu eta euskaltegien eguneroko lana posible egiteko dirua biltzeko helburuz.
Aurtengo ibilbidea Irunen hasi eta Baionan bukatuko da. KORRIKA hasi eta amaitu arte, lekukoa eskuz esku eta kilometroz kilometro eramaten dute korrikalariek, lekukoaren barnean gordetzen baita KORRIKA helmugara iristean irakurriko den mezua.
Aurten, Esteribartik pasako da martxoaren 15ean, Artesiagatik iritsita Eugi, Urtasun, Saigots, Zubiri eta Agorretatik pasaz. Ondoren, Erroibarrerantz abiatuko da. Esteribarko batzordeak asteak daramatza lanean, eta Korrika girotzeko hainbat ekitaldi antolatu ditu. Ibarreko hainbat herritar eta eragilek parte hartuko dute Korrikan, eta hauek dira zehazki lekukoa hartuko dutenak:
- Km, 18.04 – Esteribarko Gazte Elkartea + Markel Gomez Fisioterapia Zentroa + besteak 273. km 18.17 – Eugiko Kontzejua
- Km, 18.23 – Eugiko Txalotenea Elkartea
- Km, 18.36 – Urdaizko Kontzejua + Zuriaingo Berrondo Elkartea + Ilurdozko herritarrak
- Km, 18.43- Etxegibel landetxea eta Elbegi landetxea (Ilurdotz)
- Km, 18:56 – Larrasoañako Kontzejua eta Larraberri Elkartea
- Km, 19:02 – Saigosko Kontzejua
- Km, 19:08 – Zubiriko Kontzejua
- Km, 19:15 – Esteribarko Udala
Esteribarko Udalak 281. kilometroan hartuko du lekukoa, Zubiritik Agorretaruntz.
Gainera, ibarretik Korrika igaro ostean, Esteribarko Euskara Batzordeak herri afaria antolatu du Gautxorin. Izena emateko, ondoko formularioa bete behar da: labur.eus/esteribarkorrika