ERA Eskola, gurasoentzako trebakuntzaren IV. edizioa antolatu dute Euskarabideak eta toki entitateetako euskara zerbitzuek. Aurten ere hiru saio antolatu dira, bakoitza hizlari ezberdin baten eskutik, euskara ikasten duten haurren aita-amei zuzenduta.
- edizioan honako gai hauek landu dira:
- “Bertsolaritza: Zertarako eraman haurrak bertso eskolara? Hizkuntzarekin jolasean ahozkotasuna landu.” Saioa Alkaiza Guallar bertsolariaren eskutik.
- “Euskararen opor-kutxa. Elikatu euskararekiko harremana baita oporretan ere” Iñaki Eizmendi Arsuaga, gizarte hezitzailearen eskutik.
- “Nola uztartu euskara eta kirola? Euskararen sustapena kirolaren bidez: baliabideak, estrategiak eta gurasoen papera” Aritz Olagoi Olazabal, kirol psikologoaren eskutik.
Saioak euskaraz eta gaztelaniaz daude, euskaraz dakiten gurasoei eta euskaraz ez dakitenei informazio egokitua emateko, eta era.eus-en YouTube kanalean daude ikusgai: www.youtube.com/c/EraNafarroa/. Podkast formatuan entzun nahi izanez gero, ERA.eus-en Youtube kanaleko bi Playlist daude, bata euskarazko mintzaldiekin, bestea gaztelaniazkoekin.
Era Eskola, gurasoen trebakuntza
2020an, euskara ikasten duten haurren gurasoei informazioa emateko sortu zen Era Eskola proiektua, gurasoei on line trebakuntza eskaintzen diena. Izan ere, gurasoek hainbat erabaki hartzen dituzte seme-alaben ongizatea bermatzeko: elikadura, lotarako errutinak, praktika osasungarriak, mugak… Horietan bezala, euskara sustatzean ere gurasoek hainbat arlotan nola jokatu jakin nahi izaten dute: irakurzaletasuna bultzatzeko, eskolaz kanpoko jarduerak baliatzeko, pantailen kontsumo egokia ziurtatzeko, eskolako lanetan laguntzeko… Horretara zuzenduta daude Era Eskolan gurasoei eskaintzen zaizkien trebakuntza saioak.
Informazio erabilgarri gehiago eta gurasoentzako baliabideak: https://eranafarroa.eus/baliabideak/gurasoentzako-aholkuak/